افغانستان دولتی نینگ مذاکره قیلوچی هیاتی نینگ اعضاسی فوزیه کوفی، افغانستان دولتی و طالبان گروهی نینگ مذاکره قیلوچی هیاتلری برچه رسمی اوچرشولریده اوروش قربان لری حق حقوقلری اورته گه قویلگن دیب ایتکن.

صلح بویچه دولت وزیرلیگی بوکون ( چهارشنبه ۲۳ میزان) بیرخبرنامه نشر ایتیب، خانم کوفی بو مطلب نی قطرده اوروش قربان لری بیرقطار نماینده لری بیلن اوچرشکنی ده بیان ایتکنی نی تاکیدلشکن

خبرنامه گه کوره خانم کوفی بو یغین ده تاکیدلشکن که اوروش قربان لری حق حقوقلری طالبان بیلن مذاکره لرنینگ اینگ اساسی موضوع لری دن بولگن. خانم کوفی، بو قربان لرحقلری نی سقلینیشی افغانستان دولتی و طالبان گروهی مذاکره قیلوچی هیاتلری برچه رسمی یغین لریدن اورته گه قویلیب بحث بولگن دیب ایتی.

افغانستان دولتی نینگ مذاکره قیلوچی هیاتی نینگ بو اعضاسی صلح بویچه دولت وزیرلیگی دن اوروش قربان لرینی ایککی تمان ارا رسمی مذاکره لرده اشتراک ایتیش زمینه سینی مساعد ایتیلشی نی هم طلب ایتکن.

افغانستان دولتی و طالبان ارا یوز مه یوز مذاکره لر بیر آی آلدین قطرده باشلندی. انسان حقلریدن حمایه ایتوچی ارگان لربو مذاکره لر رسمی یغین لریده اوروش قربان لری حقلری موضوع سی اورته گه قویلیب بو حق لر سقلیشنی ده جدی تاکیدلشماقده لر.