كابل ده مقناطيسي ماين پارتلشي ايككي كيشي دن جان آلدي
neshananews
11 November 2020كابل پوليسي مقناطيسي ماين كابل شهري اونبيرينچي ناحيه سيده پارتلشي نتيجه سيده ايككي كيشي اولديريلگني ني تصديق لشدي.
كابل پوليسي سوزچيسي فردوس فرامرزگه كوره بو واقعه بوكون( چهارشنبه ٢١ عقرب) “خيرخانه نينگ لب جر” منطقه سيده يوزبيرگن. فرامرزجنابلري بو واقعه ده امنيتي قوتلردن ايككي كيشي اولديريلگني و بيركيشي ياره لنگن ديب ايتي. او بو مقناطيسي ماين پوليس نينگ بير رنجر نقليه واسطه سيگه اورنتيليب پارتلگني ني معلوم قيلدي.
حاضرگه قدر بو واقعه مسوليتي ني هيچ شخص يا گروه اوز بوينيگه آلمگن، اما دولتي مسووللر بونداي واقعه لر عاملي طالبان ديب ايتكنلر.
