كابل پوليس قوماندان ليگي گه كوره كابل اونبيرينچي امنيتي حوزه ده پارتلشكن بير مقناطيسي ماين بير كيشي ني ياره لنتيرگن.

كابل پوليس سوزچيسي فردوس فرامرز، بو ماين بوكون ( يكشنبه ايككينچي قوس) ايرته لب ساعت ٠٦٠١٠ ده اونبيرينچي حوزه حدوديده پارتلشكن.فرامرز جنابلري بو مقناطيسي ماين سراچه توريدن بولگن بيرتاكسي موتر ده اورنتيلگن و پارتلگندن سونگ هيدوچي سي ياره لنگن ديدي.

حاضرگه قدر بيران شخص يا گروه بو واقعه مسوليتي ني اوز بوينيگه آلمگن.

اوتكن كوني پايتخت كابل ايككي پارتلش دن علاوه ٢٣ راكت گه گواه ايدي، كابل نينگ تورلي منطقه لريده تييب پارتلشكن بو راكت لر ٩ كيشي دن جان آليب ٣٦ كيشي ني ياره لنتيردي. برچه قربانلر عادي اهالي بولگن.

طالبان گروهي بو واقعه مسووليتي ني رد ايتكن اما ايچكي ايشلر وزيرليگي بو راكت هجوم ني طالبان بجرگن ديب اعلان ايتكن. طالبان گروهي اوتميش نيچه بار كابل و باشقه بير قطار شهرلرده شنداي هجوملرني بجريب راكت آتيشكن دي.