ايچكي ايشلر وزيرليگي ني اعلان قيليشيچه كابل غربيده جايلشكن ” سيدالشهدا” مكتبي يقينيده يوز بيرگن پارتلش تلفاتي نتيجه سيده ٥٠ كيشي اولديريلگني و ١٠٠ كيشي جراحتلنگن.
ايچكي ايشلر وزيرليگي بوكون ( يكشنبه ١٩ ثور) بو بارتلش نينگ برچه قربانلري عادي اهالي بولگني ني ايتكن. آرين جنابلري علاوه ايتكن بو اوچ پارتلش ساعت ٤:٣٠ توشدن كين كابل شهري ١٣ حوزه سيگه تيگيشلي بولگن سيدالشهدا مكتبي يقينيده يوز بيرگن.
اونگه كوره بيرينچي دن پارتلوچي ماده جايلشتيريگن بير نقليه واسطه مكتب ايشيگي يقنيده پارتلگن. بو پارتلش لر طلبه لر مكتب دن چيقيش پيتيده يوزبيرگني ني ارين جنابلري ايتيب بو پارتلشلر لوگر، كابل عالي اوقويورتي، موعود و كوثر تعليمي موسسه لريده يوز بيرگن پارتلش لرده اوخششيني تاكيدلشكن.او بو پارتلشلر طالبان تماندن ريجه لنگني ني ايتكن.
طالبان گروهي اما بو پارتلشلر مسوليتي ني اوز ضمه سيگه آلمگن و طالبان نينگ سياسي دفتري بير قطار اعضالري بو پارتلش ني قاره لگنلر.