كابل ولايتي قره باغ تومني محلي رسميلري بو تومن حدوديده يوزبيرگن ايككي علاحيده پارتلشده اينگ آز آلتي كيشي جراحتلنگني ني تصديق لشكن.ياره لنگنلردن اوچ كيشي سي عادي اهالي و اوچ كيشي امنيتي قوتلر بولگن.

قره باغ تومن حاكمي محمدحنيف صديقي نشانه خبر آژانسي بيلن صحبت ده ديدي بيرينچي پارتلش بوكون ايرته لب ( سه شبنه ٤ جوزا ) ساعت ٠٨:٠٠ ده ” لوگري ها “قشلاقيده يوزبيرگن ديدي.

صديقي جنابلري بو پارتلش ده ملي اردوقوتلريني بير هاموي نقليه واسطه سي يول چكه سيده جايلشتيريلگن ماين بيلن قرشيلشكن و اوني نتيجه سيده اوچ عسكر ياره لنگن.

قره باغ اولسوالي علاوه ايتي بو واقعه نيچه دقيقه اوتگچ شونگه اوخشه گن باشقه بير پارتلش هم عبني شو قشلاق ده يوزبيردي. بو پارتلشده عادي اهاليدن اوچ كيشي ياره لنگن. صديقي جنابلري ايككينچي پارتلش دن كوپراق معلومات بيرمدي.

حاضرگه قدر بو ايككي پارتلش مسووليتي هيچ گروه اوز بوينيگه آلمگن.اما امنيتي ارگان لر مسووللري يول چكه سي و شاه يوللرده ماين جايلشتيريش طالبان ايشي بولگني ني دايم تاكيدلشكنلر.