آسيا ترقيات بانكي مسووللر، بوبانك كرونا ويروسي ايككينچي تولقيني گه قرشي كورش ده افغانستان دولتي گه ياردم كورستيش ده تيارگرليگي ني اعلان ايتكن.

جمهور رييس ليك سراي بوكون( چهارشنبه ١٤ عقرب) بير خبرنامه نشر ايتيب، شكسبن چين آسياترقيات بانكي اورين باسري جمهور رييس محمد اشرف غني بيلن ويديو كنفرانس آرقلي صحبت ده بو موضوع ني اعلان ايتكن ديب خبر بيرگن.

خبرنامه گه كوره، چين جنابلري، افغانستان زولتي ني كمبغل ليك گه قرشي كورش، اقتصادي ترقيات و منطقه اي باغلنيشلر كبي اوزاق مدتلي دستورلريدن حمايت قيليشي ني تاكيدلشكن.

چين جنابلري بو صحبت ده آسيا ترقيات بانكي افغانستان دولتي ني اوزاق مدتلي شريكي اوله راق، جينوا يغينيده قتنشيشي دن خبر بيريب و افغانستان دولتي گه مالي ياردملريني دوام ايتيريش دن سوز بيرگن.

ارگ خبرنامه سيگه كوره آسيا ترقيات بانكي كرونا ويروسي ايككينچي تولقيني گه قرشي كورشده هم افغانستان دولتي گه مالي ياردملرني مساعد ايتيشي دن وعده قيلگن.

تازه ليك ده مملكت ده كرونا ويروسي ايككينچي تولقين ييريليشي دن خواتيرلر كوپيگن. عامه ساغليك وزيرليگي نيچه كون آلدين مملكت ده سونگي هفته لرده كرونا ويروسي مثبي واقعه لري كوپيگني دن خبر بيرگندي. او مملكت يشوچيلريدن ساغليك ني سقلش توصيه لريني رعايه ايتيش و ماسك دن استفاده قيليش گه دعوت قيلگن.