هلمند ولايتي محلي رسميلري، لشكرگاه شهريده بير مقناطيسي ماين پارتلشي نتيجه سيده بير كيشي اوز جاني ني قولدن بيريب بيركيشي ياره لنگني ني اصديق لشكن.

هلمند ولايت حاكمي سوزچيسي عمر زواك بو پارتلش بوكون ( شنبه ٨ قوس) ساعت ٠٩:٠٠ لشكرگاه شهري توقيزينچي امنيتي حوزه سيده يوزبيرگني دن خبر بيريب اوني نتيجه سيده بيركشي اوزجاني ني قولدن بيريب و بيركيشي هم ياره لنگن ديدي.

زواك جنابلريگه كوره بو مقناطيسي ماين كرولا توريدن بولگن بير نقليه واسطه گه اورنتيلگن ايكن. حاضرگه قدر هيچ گروه يا شخص بو واقعه مسووليتي ني اوز ضممه سيگه آلمگن.

بوكون ايرته لب كابل هم شونگه اوخشه گن ايككي واقعه گه گواه بولدي. بو ايككي مقناطيسي ماين پارتلشي نتيجه سيده اينگ آز ايككي حربي ملازم داخل يتي كيشي ياره لندي. امنيتي ارگانلر مسووللري بو هجوملرگه طالبان دخلدار ايكني ني تاكيدلشكن.