ماین پارتلشی، غزنی پولیس آلتینچی امنیتی حوزه باشلیغی و ینه تۉرت نفر افسر دن جان آلدی
غزنی ولایتی محلي رسميلری، غزنی شهر مرکزیده یولچکهسیده جایلشتیریلگن ماین پارتلگنی نتیجهسیده، کمیده تۉرت پولیس خادمی، جملهدن شهر نینگ آلتینچی خوفسیزلیک حوزهسی باشلیغی اولدیریلگنینی تصدیقلشکن.
غزنی ولایت حاکمی سوزچیسی واحدالله جمعهزاده نینگ نشانه خبرآژانسیگه ایتیشیچه، پارتلش کېچه (۶-سرطان، یکشنبه) ساعت ۰۷:۲۰ اطرافیده غزنی شهری نینگ آلتینچی حوزهسیده جایلشکن ” کبول” قیشلاغیده صادر بۉلگن.
جناب جامعهزاده نینگ سۉزلریگه کۉره، اوشبو واقعهده اوشبو پولیس کوچلرینی آلیب کېتهیاتگن نقلیه واسطهسی یۉل چکهسیده اورنتیلگن ماینگه دوچ کیلگن. اونگه کۉره، غزنی پولیسسی نینگ آلتینچی خوفسیزلیک حوزهسی نینگ بلشلیغی یونس رمضانی اوشبو واقعه قربانلری آرهسیده دیر.
هېچ بیر گروه بو پارتلش مسوولیتینی اۉز ذمّهسیگه آلمهگن. مملکت خوفسیزلیک رسميلری اېسه طالبلرنی مملکتدهگی شو کبی پارتلشلرده عیبلشهدی.