ملي مدافعه وزيرليگي ني اعلان قيليشيچه قندهار ولايتي ژيري تومني ده كوپ منطقه لر طالبان دن تازه لنگن.
ملي مدافعه وزيرليگي سوزچيسي فواد امان بوكون ( چهارشنبه ٢٩ ثور ) تويتر صحيفه سيده، بو تومن نينگ كتته قسمي ملي اردو قوتلري عملياتي نتيجه سيدن طالبان جنگچي لريدن تازه لنگني ني يازگن.امان جنابلري بو منطقه لردن آت توتمگن. اونگه كوره بو تازه لش عمليات جريانيده طالبان حنگچي لريدن اينگ آز ١٤ جنگچي اوليب و تورت كيشي هم ياره لنگن.
ملي مدافعه وزيرليگي سوزچيسي اورين باسري ملي اردو ني بو تومنده تازه لش عملياتي بو تومن طالبان حنگچي لريدن بوتكل تازه لنگونچه دوام ايتيشي دن خبر بيرگن.
طالبان گروهي بو باره دن بيران نرسه ايتمگن.
مملكت جنوبيده جايلشكن قندهار ولايتي سونگي آي لرده ملي اردو و طالبان جنگچي لري ارا قوراللي توقنشولرگه صحنه بوليب كيلگن. بوندن آلدين ارغنداب تومني طالبان جنگچي لريدن تازه لنگندي.