ملی مدافعه وزیرلیگی مسووللریگه کوره ملی اردو قوتلری قندهارولایتی ده یتی قانلی پارتلش واقعه آلدینی آلیشگه موفق بولگن.
مدافعه وزیرلیگی بوکون ( شنبه ۱۹ میزان) نشر ایتکن خبرنامه سیده، طالبان گروهی اوتکن آقشام قندهار ولایتی میوند تومنی حدودلریده نقلیه وسیله لریگه قرشی یتی ماین چایلشتیرگنی دن خبر بیرگن. خبرنامه گه کوره ملی اردو قوتلری بو ماین لرنی پارتلش دن آلدین کشف ایتیب بیکار قیلیب و عادی اهالی یتکزیلیشی ممکن بولگن تلفات آلدینی آلگن.
طالبان جنگچی لری سونگی وقتلرده امنیتی قوتلرگه قرشی صدمه یتکزیش نیتی بیلن ماین و پارتلوچی ماده لردن کوپ استفاده قلیش گه یوز کیلتیرگن. اکثر حال لرده بو پارتلش لر عادی اهالی گه ییریک تلفات یتکزگن. رسمی معلومات لرگه کوره اوتکن هفته ده یول چکه سیده اورنتیلگن ماین لر پارتلشی نتیجه سیده آلتی ولایت ده عادی اهالی دن ۲۰ کیشی اوز جانی نی قولدن بیریب یا یاره لنگن.