مدني جماعه قوشمه ايش گروهي كابل غربيده بير مكتب يقنيده يوزبيرگن پارتلش ني قاره لب بو تروريستي واقعه عامللري هرقنچه تيزراق تانيليشي ني طلب ايتكن.
بو گروه بوكون (يكشنبه ١٩ ثور) بيرخبرنامه نشر ايتيب كابل غربيده جايلشكن سيدالشهدا مكتبي ايشيكي قرشيسده يوز بيرگن الدين كين پارتلش ني بشريت گه ضد جنايت اته گن.
خبرنامه ده بو پارتلش ده قربان لري اكثريتي عادي اهالي و مكتب طلبه لري بولگني و خلق ارا انسان پرورليك قانون لرگه مطابق بشريت گه ضد عمل دير.
بو گروه اعضالري علاوه ايتكن افغانستان حكومتي مملكت اهالي سي خوفسيزليگي ني تامين لش ده ناكام بوليب و شو سبب دن مملكت ده بونداي تروريستي واقعه لر كوپيب بارماقده.
خبرنامه گه كوره خبرنگارلر و مدني فعاللرني نشان گه توتكن بونداي ريجه لنگن هجوملر امنيتي ارگارنلر دقت سبزليگي سبب مملكت يوزبيرماقده.
بو مدني فعاللر افغانستان حكومتي دن اهالي خوفسيزليگي ني تامينلش ني اوز ايشلري سرلوحه سيده جايلشتيريش ني طلب ايتيب و بونداي قانلي هجوملر آلديني آليش اوچون خصوصا تعليمي مركزلرده جدي راق چاره تدبير آليشي ني ايستشكنلر.
مدني جماعه قوشمه ايش گروهي شونينگ ديك دولت دن طلب ايتكن كه هرقنچه تيزراق اوتكن كوني يوز بيرگن قانلي و دهشتلي هجوم عامللري ني تاپيب جزالنتيرسين.
اوتكن كوني توش دن سونگ كابل غربيده جايلشكن سيد الشهدا مكتبي يقنيده اوچ پارتلش يوزبيردي. بو پارتلش لر اينگ آز ٥٠ كيشي دن جان آلدي و ١٠٠ كوپراق كيشي ني ياره لنتيردي.
حاضرگه قدر هيچ بير گروه بو پارتلش لر مسووليتي ني قبول قيلمگن، اما امنيتي ارگانلر بو هجوم ده طالبان جنگچي لري دخلدار ايكني ني تاكيدلشكن.