مملكت تنيفلي خبرنگاري يما سياوش داخل اوچ كيشي كابل ده بير پارتلش ده جان بيردي
كابل امنيه قوماندان ليگي كابل شهري توقيزينچي حوزه سيده يوزبيرگن پارتلش ده اوچ عادي اهالي اولديريلگني ني تصديق لشدي.
اولديريلگن لردن بيري سياسي دستورلرنينگ تنقلي نطاقي يما سياوش بولگن.
كابل پوليسي سوزچيسي فردوس فرامرز گه كوره بو پارتلش بوكون( شنبه ١٧ عقرب) تورتينچي مكروريان ساحه سيده يوزبيرگن. فرامرزجنابلري بو پارتلش ده اينگ آز اوچ كيشي اوزجاني ني قولدن بيرگن ديب ايتي.
كابل پوليسي سوزچيسي بو واقعه كرولا توريدن بولگن بير نقليه واسطه ده مقناطيسي ماين جايلشتيريليب و پارتلگني سبب يوز بيرگن ديدي.
حاضرگه قدر بو واقعه مسوليتي ني هيچ كيم يا گروه اوز ضممه سيگه آلمگن.