ميدان وردك ده يول چكده سيده گي ماين پارتلشي ٥ كيشي دن جان آليب ٨ كيشي ني ياره لنتيردي
neshananews
20 October 2020ميدان وردك محلي رسميلريگه كوره يول چكه سيده جايلشتيريلگن ماين بيلن ايككي مسافر تاشوچي نقليه واسطه قرشيلشيب پارتليشي نتيجه سيده بيش كيشي اولديريليب و ٨ كيشي تن جراحت آلگن.
ميدان وردك ولايت حاكمي سوزچيسي محب الله شريف زي نشانه خبرآژانسي بيلن صحبت ده ديدي بو واقعه بوكون ايرته لب (سه شنبه ٢٩ ميزان) بو ولايت نينگ جلريز تومني نينگ ” آب بسراغ” و كوته عشرو” قشلاق لريديقينيده يوز بيرگن. شريف زي جنابلري دستلب كي معلوماتلرگه كوره بو پارتلش ده بيش كيشي اوزجاني ني قولدن بيرگن و سكيزكيشي هم ياره لنگن. اونگه كوره اوچ باله و بيش عيال بو حادثه قربان لري جمله سيدن دير.
ميدان وردك ولايت حاكمي سوزچيسي بو واقعه يول چكه سيده اورنتيلگن ماين پارتلشي سبب يوزبيرگن ديدي. اوني تاكيد لشيشيچه بو ماين طالبان جنگچي لري تمانيدن جايلشتيريلگن.
محلي رسميلر بو واقعه قربانلري باميان ولايتي ورس تومني يشوچيلري بولگني تي ايتيب و يولده بو واقعه گه دوچ كيلگن ديب ايتكن.
سونگي كونلرده ميدان وردك ولايتي جلريز تومني طالبان و ملي اردو قوتلري ارا توقنشولرگه صحنه بولگن. عيني دمده طالبان گروهي امنيتي قوتلرني نشان گه توتيش اوچون يوللرگه ماين اورنتكن. اكثرحاللرده بو ماين لر پارتلشي عادي اهالي دن جان آلگن.
