ناتو باش كاتبي ينس استولتنبرگ بو اتفاق نينگ افغانستان خصوصا دو مملكت امنيتي قوتلريدن حمايت و ارقه داشليگي خارجي قوتلرني چيقيشي دن سونگ دوام تاپه دي ديب ايتكن.
استولتنبرگ جنابلري اوتكن كوني ( جمعه ٣١ ) پاريس شهريده بير قوشمه خبري يغين ده ناتوني افغانستان دن ارقه داشليگي ني اعلان ايتي.
ناتو باش كاتبي، ناتوني افغانستان دن ارقه داشليگي، كابل و بو اتفاق ارا ينگي علاقه باسقيچيده اوچ بوليم دن عبارت دير ديب امنيتي بوتلر مهارتلريني يوكسلتيريش، امنيتي قوتلرگه مصلحت بيريش و اولرني چيت ده تعليم بيريش و ضرورت بولگن خذمت لرني يتكزيش بو حمايت لر جمله سيدن بولگني ني تاكيدلشدي.
استولتنبرگ جنابلري افغانستان امنيتي و مدافعوي قوتلري نينگ مخصوص كوچلري نينگ تعليماتلري مملكت ده چيت ده مركزلشتيريلگن ديدي.
اونگه كوره افغانستان امنيتي بوتلريدن ناتوني مالي حمايه سي و تروريسيم گه قرشي كورش ده بو قوتلر ظرفيت و مهارتلريني قوللب قوتلش خارجي قوتلرني افغانستان چيقيشي دن سونگ اوزيگه خاص اورن گه ايگه دير.
خارجي قوتلرني افغانستان چيقيش آقيمي جاري ييل ١١ ثور كوني باشلندي و تورت آي گه قدر دوام ايته دي. افغانستان دولتي بو قوتلرني چيقيشي مملكت اوروشي ده سلبي تاثير قالدير مي دي ديگن.