هرات دین عالملر کینگاشی معاونی تانیلمگن قوراللی‌لر تمانیدن ترور بولدی
neshananews
03 June 2021هرات محلی رسمیلری، بو ولایت دین عالملر کینگاشی اورین باسری مولوی محمدکبابیانی تانیلمگن قوراللی‌لر تمانيدن ترور بولگنی تصدیقلشکن.
هرات پولیسی سوزچیسی عبدالاحدولی‌زاده بو واقعه بوکون( پنجشنبه ۱۳ جوزا ) ایرته‌لب هرات ولایتی انجیل تومنی کبابیان قشلاقیده یوزبیرگن ديدي.
ولی‌زاده جنابلریگه کوره بو دین عالمی بامداد نمازینی ادا قیلگندن سونگ اویی تمان باره‌یاتکان پیتده تانیلمگن قوراللی‌لر تمانيدن نشانگه توتیلیب اوزجانی نی قولدن‌بیرگن.
هرات پولیسی سوزچیسی بو هجوم عامللرینی تانیش و جزالنتیریش اوچون پولیس تحقیقات و تیکشیرولری باشلنگن ديدي.
حاضرگه قدر هیچ بیر گروه بو هجوم مسوولیتی‌ني اوز بوینیگه آلمگن.
بوندن آلدین هم لغمان و پروان ولایتلریده ایککی دین عالمی تانیلمگن قوراللی‌لر تمانیدن ترور بولدی. حاضر گه قدر بو ترورلر کیم تمانیدن یولگه یویلیشی معلوم بولمگن اما دولت مسووللری بو ریجه‌لنگن ترورلر عاملی‌ني طالبان دیب ایتیشکن،لیکن طالبان بو عیبلول ني رد ایتکن.
