کاپیساده بیر دیني عالِم اۉلدیریلدی
neshananews
14 July 2021کاپیا ولایتی محلي رسميلری، ظفر جامع مسجدی ملاامامی مولوی جان‌آغا، نامعلوم قوراللی شخصلر اۉلدیرگنلیگینی تصدیقله‌ماقده.
کاپیسا پولیس قوماندانلیگی سوزچیسی شایق شورش نشانه خبرآژانسی‌گه ایتیشیچه، بو روحاني بوگون اېرته‌لب ( چهارشنبه ۲۳ سرطان) حصه دوم کوهستان تومنی نینگ “خَم روبی” منطقه سیده اۉلدیریلگن.
جناب شورش نینگ تأکیدلشیچه، بو دین عالمی مسجددن اویگه قَیته‌یاتگنیده نامعلوم قوراللی شخصلر تامانیدن نشانگه توتیلیب اۉلدیریلگن. هجوم اوچون جوابگرلیکنی بیران بیر گروه اۉز ذمّه‌سیگه آلمه‌گن.
ایکّی ییلدن بېری مملکت‌ده دیني علمالر، عامه‌وي اخبارات واسطه‌لری خادملری، مدنی فعاللر و تنیقلی سیاست اربابلرنی اۉلدیریش جریانی دوام اېتماقده. حاضرچه بو ترورلرده کیملر دخلدار ایکنی نامعلوم. حکومت مملکتده‌گی ریجه‌لنگن سوءِقصدلرده طالباننی عیبله‌ماقده، اما طالبان سوءِقصدلر اوچون جوابگرلیکنی اۉز ذمّه‌سیگه آلمه‌یدی.
