میوند ۲۱۵ قول اردو قوماندانی سمیع سادات هلمند ولایت مرکزی لشکرگاه شهریده ملي اردو و طالبان جنگچی لری ارا توقنشولر یکونلنگنی دن خبر بیرگن. اونگه کوره اوتکن ۲۵ کون مدتیده یوزبیرگن توقنشولرده طالبان نینگ ۶۵۳ جنگچی سي اولدیریلگن.
سمیع سادات تویتر صحیفه سیده، هلمندولایتی ده اوروشلر تولقینی خارجی قوتلرنی افعانستان دن چیقیش تاریخی یعنی ثور آیی ۱۱ کونی اعلان ایتیلگن دن سونگ باشلنگن دیب یازگن.
سادات جنابلری ۲۵ کون مدتیده دوام ایتکن توقنشولرده طالبان نینگ ۳۱ قوماندانی داخل ۶۵۳ جنگچی سي اولدیریلگن.
طالبان نینگ هلمند ولایت حاکمی اورین باسری هم اولدیریلگن لردن بیری بولگن. سادات جنابلری علاوه ایتکن بو توقنشولر جریانیده طالبان نینگ ۲۰۰ جنگچی سي یاره لنگن.
میوند قول اردوسی قوماندانی، طالبان دوحه مذاکره‌لریدن اوروش تکتیکی صفتیده فايده لنیشینی هم تاکیدلشیب و گروه ني صلح اوچون هیچقندای اراده سي یوق دیب ایتکن.
طالبان گروهی حاضرگه قدر بو باره ده بیران نرسه ایتمگن.
هلمند ولایتی ده توقنشولر رمضان هیتی اوچون اعلان ایتیلگن آتش کیسیم دن سونگ باشلندی. بو وقتینچه لیک آتش کیسیم دن سونگ توقنشولر کولمی بو ولایت ده شدت آلدی.