هندوستان نينگ افغانستان گه ياردم قيلگن بوغداي دن بيرينچي قسمي ايران نينگ چابهار بندي آرقلي هرات گه يتيب كيلدي.

هرات محلي رسميلري بيرينچي باسقيچيده بيش مينگ تن بوغداي هرات گه يتيب كيلكگني و سونگي باسقيچلرده ٧٠ مينگ تن بو ولايت گه يوباريليشي دن خبر بيرماقده لر.

هرات ولايت حاكمي  اجتماعي اورين باسري مونسه حسن زاده ديدي بو بوغداي لر هرات گدام لريده ذخيره بولر. اونگه كوره بو بوغداي دن هرات ولايتي حصه سي ١٢ مينگ تن دير و باشقه سي كابل، قندهار، بلخ و بغلان ولايت لريگه جونتيله دي.

هندوستان دولتي تمانيدن ياردم بولگن بو بوغداي سكيزكون آلدين هندوستان نينگ كدولاي بندريدن كيمه گه يوكلنيب بوكون( بنجشنبه٤ثور) ايران نينگ چابهار بندري آرقلي هرات گه يتيب كيلگن.

هندوستان تمانيدن ياردم بولگن باشقه ٧٠ مينگ تن بوغداي يتي باسقيچ ده افغانستان گه كيلتيريلشي كوتيلماقده.

مملكت ده كرونا ويروسي ييرلگني دن سونگ ييمليك اشيالر خصوصا بوغداي نرخي كوتاريلدي. هرات محلي مسوللري هندوستان نينگ بو ياردمي دن مملكت بازارلريده بوغداي نرخي ني كنترول قيليش ده فايده لنماقچيلر ديب تاكيدلشكنلر.