پکتياده یۉل چکهسي بمب پارتلشی بېش کیشینی اۉلدیردی
پکتيادهگی محلي رسميلر ولایت نینگ احمدآباد تومنیده یۉل چکهسیده جایلشتیریلگن ماین پارتلشی عاقبتیده کمیده بېش کیشی هلاک بۉلگنلیگی و تۉرت کیشی یرهلنگنینی تصدیقلهماقده.
پکتيا ولایتحاکمی نینگ سوزچیسی عبدالرحمن منگل نشانه اخبارات آژانسی بیلن صحبتده ، پارتلش بوگون (۳۱ جوزا، دوشنبه) توشدن کېین احمدآباد تومنی نینگ مچلغو حدودیده صادر بۉلگن.
جناب منگهل نینگ تأکیدلشیچه، قربانلر نینگ اکثریتی بیرته عایله اعضالری بۉلگن. قربانلر آرهسیده بیر عیال و ایکّی باله بار.
پکتيا حاکمی سوزچی نینگ ایتیشیچه، قربانلر نینگ برچهسی تینچ اهالی دیر. جناب منگل مایننی طالبان جنگریلری اۉرنهتگنینی قۉشیمچه قیلدی.
طالبان حاضرچه بوحقده ایضاح بېرمهگن.
پکتيا مملکت جَنوبیدهگی نسبتاً خوفلی ولایت دیر. ولایت نینگ اَیریم تومنلری طالبان جنگریلری بارلیگیگه گواه دیر.