کابلده بمب پارتلشی ایکّی پولیسدن جان آلدی
کابل پولیس قوماندانلیگی پغمان تومنیده یوزبیرگن بمب پارتلشیده کمیده ایکّی پولیس هلاک بۉلگنینی تصدیقلشکن.
کابل پولیسی مطبوعات کاتبی اۉرینباسری بصیر مجاهد نینگ ایتیشیچه، پارتلش بوگون (۲۹ جوزا، شنبه) ساعت ۰۱:۵۵ اطرافیده، پغمان تومنی نینگ قلعه عبدالعلی حدودیده صادر بۉلگن.
جناب مجاهد اوشبو حادثهده پولیس کوچلریگه تیگیشلی بیر رنجر نقلیه واسطهسی یۉل چکهسیده جایلشتیریلگن ماینگه دوچ کیلگنینی ایدی. اونینگ ایتیشیچه، بو پارتلشده ایکّی پولیس هلاک بۉلگن. کابل پولیسی سوزچیسی ایکّی پولیس نینگ کیملیگی حقیده قۉشیمچه معلومات بېرمهدی.
حاضرچه هېچ بیر گروه پارتلشلر اوچون جوابگرلیکنی اۉز ذمّهسیگه آلمهگن. مملکت خوفسیزلیک ادارهلری رسميلری اېسه طالبان پارتلاوچی مادّهلرنی یۉللرده و جماعت جایلریده جایلشتیریشده عیبلشهدی. یۉل بۉییدهگی بمبلر کۉپینچه تینچ اهالیدن قربانلیک آلهدی.