کابل‌غربیده ایککی آلدین کیین پارتلش
neshananews
12 June 2021کابل امنیه‌قوماندانلیگی کابل شهری آلینچی و اون‌اوچینچی امنیتی حوزه‌لریده ایککی آلدین‌کیین پارتلش یوزبیرگنی‌ني تصدیقلشکن.
کابل‌پولیسی سوزچیسی معاونی بصیرمجاهد، اولگی پارتلش بوکون( شنبه ۲۲ جوزا) توشدن سونگ ساعت ۰۲.۵۰ دقیقه‌ده کابل‌شهری آلتینچی ناحیه‌سی گه تیگیشلی گولایی‌مهتاب‌قلعه منطقه‌سیده یوزبیرگن دیب ایتدی. مجاهد‌جنابلری بو پارتلش ده عادی اهالی‌ني انتقال بیروچی بیر ” تونس” نقلیه واسطه نشانگه توتیلگن ديدي.
اوني معلوم قیلیشیچه ایککینچی پارتلش بیرینچی پارتلش‌دن آز وقت اوتمی کابل‌شهری اون‌اوچینچی امنیتی حوزه‌سي‌نینگ سرپل منطقه‌سیده یوزبیرگن. بو پارتلشده تونس توریدن بولگن مسافر تاشوچی بیر نقلیه واسطه نشانگه توتیلگن ديدي مجاهد جنابلری.
پولیس سوزچیسی حاضرگه‌قدر بوایککی پارتلش تلفاتلری حقیده‌بیران معلومات بیرمگن. اما حادثه گواه‌لری بو ایککی پارتلشده اینگ آز بیش‌کیشی قربان بولیب و ۱۳ کیشی جراحتلنگن. بو ایککی پارتلش تلفاتی کوپیشی احتمالی بار.
حاضرگه‌قدر هیچ‌بیرگروه بو پارتلشلر مسوولیتلرینی اوز بوینیگه‌آلمگن.
اوتکن هفته هم شونگه اوخشه‌گن تورت پارتلش کابل غربیده عادی اهالینی انتقال‌بیراتکان و مسافرتاشوچی‌نقلیه واسطه‌لر نشانگه توتیلگندیلر.
