ایچکی ایشلروزیرلیگی نی اعلان قیلیشیچه جمهورریس محمد اشرف غنی و ملی خوفسیزلیک کینگاشی مصلحت چی سی حمدالله محب کابل شهری نینگ سکیزینچی امنیتی حوزه سینی یقین دن نظارت قیلدیلر. بو وزیرلیک مسووللریگه کوره بو حوزه نینگ ایش جریانی نظارت بولگندن سونگ اونی ایککی یوقاری ملازمی ایشلریدن چیتلشتیریلدیلر.

ایچکی ایشلروزیرلیگی سوزچیسی طارق آرین بوکون ( پنجشنبه ۲۳ اسد) توییترصحیفه سیده یازگن؛ جمهورریس غنی و ملی خوفسیزلیک کینگاشی مصلحت چی سی، کابل شهری سکیزینچی امنیتی حوزه سی ظاهری وضعیتی و ایش جریانی دن نظارت قلییب و تیکشیرگندن سونگ، جاری وضعیت دن ناراضلیک بیلدیرگنلر.آرین جنابلریگه کوره جمهورریس، ایجکی ایشلروزیرلیگی گه سکیزینچی حوزه باشلیغی نی « وظیفوی غفلت، ترتیب سیزلیک و کیرکلی دسپلین نی رعایه ایتمگنی » سبب ایشلریدن چیتلشتیریب و کیرک لی اصلاحات نی عملی قلیش ده بویروغ بیرگن.

ایچکی ایشلروزیرلیگی سوزچیسی، جمهورریس بویروغی گه مطابق کابل شهری سکیزینچی امنیتی حوزه نینگ باشلیغی و جنایی ایشلرمدیری ایشلریدن چیتلشتیریلیب کیرک بولگن اصلاحات بو حوزه گه عملی بولگن دیب یازگن.

هرچند جمهورریس و ملی خوفسیزلیک کینگاشی مصلحت چی سی، پولیس نینگ بیرامنیتی حوزه دن نظارت قلیشی عادی بیر ایش ایمس اما بو بیرینچی بار دیرکه اوتکن ییلی اوتکزیلگن جمهورریس سیلاوی دن سونگ غنی جنابلری بیر امنیتی حوزه وضعیتی نی یقین دن نظارت قیلگن. حاضرگه قدر کابل شهری سیکیزینچی امنیتی حوزه سی دن جمهورریس نینگ نظارتی سبب معلوم بولمگن.