مارشالدوستم امنیتیقوتلرنی کیچهکورهیاتکان زمانوی دوربینلر بیلن جهازلنتیرهدی
مارشالعبدالرشیددوسم جوزجان – بلخ شاهیولیده یولگه قویلگن بیر حربی عملیات جریانیده امنیتی و مدافعوی قوتلرنی کیچهکورهیاتکان زمانوی دوربینلر بیلن جهازلنتیریشیني وعده قیلگن.
دوستمجنابلری بو سوزلرنی اوندای بیرحالده اورتهگه قویگن که ایککی کون آلدین طالبان جوزجان ولایتی فیضآباد تومنیده بیر امنیتی قرارگاهني تصرف ایتکندی. بو قرارگاه جوزجان امنیتی قوتلری نینگ قوشمه بیر عملیاتی نتيجهسیده قیته امنیتی قوتلر نظارتي گه اوتدی.
مارشالعبدالرشید دوستم آلتی آیدن سونگ اوز کوچلری بیلن جوزجان – بلخ شاهیولیده اوروش میدانیگه قتنشدی. او بو عملیاتده طالبان گه قرشی قندای کورش اوچون یالغیز امنیتی قوتلرگه مصلحت بیروچی رول گه ایگه ایکنیني تاکیدلشکن.
دوستمجنابلری ضرورت بولگن تقدیرده باشقه ولایتلرده طالبان گروهیگه قرشی کورش ده حاضر و دولت دن مدافعه ایتیش دن سوزبیرگن. اوني معلوم قیلیشیچه حاضرچه اوني قوتلری جوزجان – بلخ شاهیولی دن تشقری جوزجان – سرپل شاهیولیده هم طالبان گروهیگه قرشی اوروشماقده.
مارشال دوستم فرزندی ارکانحرب یارمحمد هم حاضرچه حربی قوتلری بیلن جوزجاننینگ تهدید آستیده بولگن بیر قطار قشلاقلرده طالبانگه قرشی کورشماقده. مارشال عبدالرشیددوستم بوندن آلدین اوتکن ییلی فاریاب ولایتی قرمقول تومنیده طالبانگه قرشی اوروشده قتنشکن. او افعانستان جمهوررييسی و ملي خوفسیزلیک کینگاشیدن مملکت شمالی و شمالشرقی ولایتلریده طالبانگه قرشی ییریک حربی عملیات یولگه قویشیده رخصت بیریشی ني طلب ایتکن اما کورینیشی دن دولت حاضرگه قدر بو باره ده مثبی جواب بیرمگن.
ایککی هفتهدن بیری طالبان جنگچیلریجوزجان – بلخ شاهیولی ایریم حدودلرینی تصرف ایتیش مقصدیده اوز هجوملرینی شدت بیرگن. امنیتی و مدافعوی قوتلر ملي اردو رهبرلیگی بیلن بو شاهیول نینگ تهدید آستیده بولگن منطقهلریده تازهلش عملیات یولگه قویگنلر.