کابلدهگی تاریخي بناده صادر بۉلگن یانغین نتیجهسیده بیر کیشی جراحت آلدی
کابل بلدیهسی، کابول نینگ بیرینچی ناحیهسیده جایلشکن عبدالرحمان خان مقبره سیگه اولنگن تاریخي بنا نینگ بیر قِسمی یانیب کېتگنینی تصدیقلهماقده.
کابل بلدیه سي سوزچیسی رسا، نشانه خبرآژانسی گه ایتیشیچه، یانغین بوگون ( چهارشنبه۲۳ سرطان ) توشدن آلدین زرنگار پارکیدهگی تاریخي بناده صادر بۉلگن.
راسا خانم نینگ تأکیدلشیچه، یانغین گاز بالونی پارتلهگندن سۉنگ باشلنگن. اونگه کۉره، یانغینده بیر کیشی جراحت آلگن و کسلخانهگه یاتقیزیلگن. راسا خانم یانغین نینگ مالیوي ضرری حقیده باتفصیل معلومات بېرمهدی.
کابل بلدیهسي سوزچیسی نینگ ایتیشیچه، یانغین تخمیناً یریم ساعتدن کېین چېکلنگن.
عینِ پیتده، یانغینگه قرشی کورهش بۉییچه دولت کمیتهسی مملکتدهگی یانغینلر نینگ اکثریتی ایمنی چارهلری رعایه قیلینمهگنلیگی سببلی صادر بۉلیشینی اَیتماقده. کمیته معلوماتلریگه کۉره، مملکتدهگی کسبهکارلردن ۸۰ فایزی، اینیقسه کابلده یانغین خوفسیزلیگی چارهلرینی رعایه قیلمهیدیلر.