مجروح: مملکتده کروناویروس نینگ اوچینچی تۉلقینی نینگ ترقهلیشی کمهیماقده
ساغلیقنی سهقلش وزیرلیگی سرپرستی وحید مجروح نینگ ایتیشیچه، کروناویروس نینگ اوچینچی تۉلقینی نینگ ترقهلیشی مملکت نینگ اکثریت ولایتلریده کمهییب بارماقده.
جناب مجروح بوگون ( یکشنبه ۲۷ سرطان) کابلدهگی مطبوعات انجمنیده کرونا ویروسی نینگ اوچینچی تۉلقینی چۉقّیدن اۉتیب، پسگه قرهب کمیماقده دیب ایتکن.
جناب مجروح، ویروس ترقهلیشی نینگ پهسهییشی باشلنگنیگه قرهمهی، قربان هییتی کونلری اهالی نینگ ییغیلیشلری تشویشلنرلی دیر دیگن. او اهالیدن هیئت کونلریده یغینلردن وازکیچیشلرینی طلب ایتیب ساغلیقنی سهقلش توصیهلرنی رعایه ایتیشبیلن بو ویروس ینه کۉپهییب باریشی آلدینی آلیش اوچون احتیاط چارهلرینی کۉریشگه چقیرهدی.
ساغلیقنی سهقلش وزیرلیگی سرپرستی، شونینگدېک، مملکتده کرونا واکسنی تطبیق اېتیش دستوری نینگ دوام اېتهیاتگنلیگینی اعلان قیلدی و مملکتده هر کونی ۳۵-۴۵ مینگ دوزگچه کرونا واکسنی تطبیق ایایلیشیدن خبر بیردی.
جناب مجروح نینگ سۉزلریگه کۉره، ساغلیقنی سهقلش وزیرلیگی کروناگه قرشی واکسننی کونیگه ۶۰ مینگ دوزگه اېتکزماقچی.
امریکا نيچه کون آلدین افغانستان حکومتیگه کرونا واکسنی نینگ ۱،۵ میلیون دوزینی یاردم بېردی و چین هم، افغانستان حکومتیگه ۱ میلیون دوز واکسن ېتکزیب بېریشنی وعده قیلگن.