پارلماننینگ حقیقتنی انیقلش هیاتی: بدخشان محلي دولت ملازملری نمایشچیلرنی قتغان قیلیشده عیبلنیب جنایي جوابگرلیککه تارتیلیشی کېرهک
ولسیجرگهني حقیقتني انقلش هیات اعضالری بدخشانده نمایشلر قندای زوروانلیکگه ایلنگنی اۉرگنیب چیقگندنسونگ، ولایتدهگی محلي ملازملرنی جنایي جوابگرلیککه تارتیشگه چقیریشدی.
هیات اعضالریدن بیری رضایی جنابلری بوگون (۳۱-جوزا، دوشنبه) ولسیجرگه نینگ عمومی مجلسیده بدخشانده یقینده بۉلیب اۉتگن ناراضیلیک نمایشلری قندای زوروانلیکگه ایلنگنی یوزهسیدن پارلمانننینگ انیقلش کمیتهسی نینگ تېکشیرووی نتیجهلرینی اعلان قیلدی.
جناب رضایی نینگ ایتیشیچه، بدهخشاندهگی محلي دولتملازملر، شو جملهدن ولایت حاکمی و پولیس باشلیغی، نمایشچیلر نینگ خوفسیزلیگینی تأمینلهی آلمهگن، گرچه اولر، فیضآباد اهالیسی ناراضیلیگ نمایش اویوشتیریشی تۉغریسیده محلی رسمیلرنی خبردار قیلینگن.
جناب رضایی نینگ تأکیدلشیچه، زوروانلیک و ترتیبسیزلیگی نتیجهسیده کمیده سکّیز نفر تینچ نمایشچی اۉلدیریلگن و ۴۲ کیشی جراحت آلگن.
پارلمان نینگ بو کمیتهسی اعضاسی اوشبو واقعه مناسبتی بیلن بدخشان حاکمی اوّل لوازمیدن چېتلشتیریلیشی و اوشبو ولایت پولیس باشلیغی بیلن بیرگه محکمهگه تارتیلیشی کېرهکلیگینی تأکیدلهماقده. اونینگ سۉزلریگه کۉره، اوشبو واقعهگه علاقهدار بۉلگن اۉرته و قویی درجهدهگی پولیسلردن هم سۉراق قیلینیشی کېرهک.
تخمیناً ایکّی هفته آلدین، بدخشان مرکزی فیضآباد اهالیسی خوفسیزلیک نینگ کوچهییشی و ایچیملیک سووی کېسیلگنی سبب ناراضیلیک نمایش اویوشتیرگندیلر. بیراق، بو ناراضیلیک زۉرآورلیککه ایلندی.