بهرنیو چارو وزارت وایي، ځینې افغانان په تهران کې د افغانستان سفارت تر څنګ له راغونډېدو سره د ایران انتظامي ځواکونو نیولي.

بهرنیو چارو وزارت نن (دوشنبه، د غبرګولي ۲۴مه) په یوه خبرپاڼه کې لیکلي، چې دوی په د اړه په ایران کې د افغانستان سفارت له لارې خپله اندېښنه د ایران له دولت سره شریکه کړې.

د بهرنیو چارو وزارت ویلي، چې ایران په دې اړه د هراړخیزو څېړنو د پیل ډاډ ورکړی.

بهرنیو چارو وزارت د نیول شویو کسانو شمېر نه دی په ډاګه کړی.

د یادونې وړ ده، چې تر دوه میلونه زیات قانوني او غیرقانوني افغان کډوال په ایران کې اوسي.

د ایران انتظامي ځواکونو په وارونو له ایران مېشتو افغانانو سره ورته چلند کړی.