په بلخ کې یو موټربم موخې ته تر رسېدو وړاندې چاودلی
کورنیو چارو وزارت وايي، په بلخ کې یوه موټربم موخې ته تر رسېدو وړاندې چاودنه کړې.
د کورنیو چارو وزارت ویاند طارق ارین نن (پنجشنبه،و د غبرګولي ۲۷مه) پر خپله ټوېټرپاڼه لیکلي، چې موټربم تېره شپه د دولتاباد ولسوالي د پولیسو قومنداني ته څېرمه چادونه کړې. هغه دا موټربم د طالبانو پر لاس چمتو شوی بولي.
ارین وايي، بریدګر غوښتل د دولتاباد ولسوالي د پولیسو قومندامنۍ ودانۍ په نښه کړي؛ خو امنیتي ځواکونو ځانمرګی موخې ته تر رسېدو وړاندې په نښه کړی او موټر یې چاودنه کړې. د کورنیو چارو وزارت ویاند ویلي چاودنه د خلکو د اوسېدو یوه ځای ته نږدې شوې، چې د سیمې خلکو ته یې هم زیان اړولی دی. ارین په دې چاودنه کې د اوښتي زیان په اړه څه نه دي ویلي.
طالبانو تر اوسه په دې اړه څه نه دي ویلي.
د یادونې وړ ده، چې یوه اوونۍ مخکې د یاد ولایت بلخ ولسوالي په ورته بڼه په نښه شوې وه، چې په پایله کې یې دوه نظامیان وژل شوي وو او اتلس تنه نور ټپیان شوي وو.