د پکتیا چارواکي وايي، د یاد ولایت د ملي امنیت ریاست مسوولینو په ګردېز ښار کې یو کس له څلور کیلو نشه‌يي توکو (میتا امفیتامین او شیشه) سره نیولی دی. د پکتیا ولایت رسنیو دفتر ویلي دا کس پرون (د چنګاښ ۲۶مه) په ګردېز ښار کې نیول شوی.

د خبرپاڼې پر بنسټ نشه‌یي توکي له غزني ولایت څخه ګردېز ښار ته رالېږدول کېدل، چې د ملي امنیت له خوا نیول شوي.

نیول شوي کس په لومړنیو څرګندونو کې پر خپل جرم اعتراف کړی او د امنیتي چارواکو په وینا دوسیه به يې ژر تر ژره عدلي او قضایي ارګانو ته ولیږله شي.