روغتیا وزارت وایي، په تېرو ۲۴ ساعتونو کې ۲۰ تنه له کرونا مړه شوي او ۶۵۴ نوې د کرونا پېښې په ۱۶ ولایتونو کې ثبت شوې.
عامې روغتیا وزارت نن (شنبه، د غبرګولي ۸مه) په یوه خبرپاڼه کې لیکلي، چې ۶ تنه په کابل، دوه دوه تنه په کندهار، ننګرهار او پکتیا یو، یو په هرات، بلخ، تخار، بغلان، بدخشان او کونړ کې د کرونا له امله مړه شوي.
همداراز په ۲۴ ساعته کې د کرونا ۲۸۷۱ شکمنې پېښې د هېواد په لابراتوارونو کې کتل شوې، چې په ۱۶ ولایتونو کې یې ۶۵۴ مثبتې دي.
د عامې روغتیا د شمېرنو له مخې له دې پېښو څخه یې ۲۳۴ په کابل، ۱۳۲ په بلخ، ۶۰ په کندهار، ۴۹ په لوگر، ۳۴ په هلمند، په لغمان، ۲۴ پت نیمروز، ۲ په تخار، ۱۵ په کندز، یوولس – یوولس په زابل، کونړ؛ ۱۰ په نورستان ۶ په غزني او ۲ په فاریاب کې ثبت شوې.
له دې سره په هېواد کې د کرونا د ناروغانو شمېر ۷۰زره ۷۶۰ ته رسېدلې، چې ۵۷ زره ۲۸۱ تنه بېرته ترې روغ شوي او ۲۹۱۹ تنه ترې مړه شوي.