جوزجان ولایتی نینگ اینگ کتته و کوپ جمعیتلی تومنی آقچه مرکزی بوکون ایرته لب( چهارشنبه ۲۳ ثور) ساغلیک نی سقلش ملازملری و بو تومن نی اوت سیندیروچی پولیسی تمانیدن ضد عفونی بولدی.

بو اولسوال لیک نی ۵۰ یاتاقلی شفاخانه سی مسوللریگه کوره شفاخانه ملازملری، پولیس و محلی سوداگرلر یاردمی بیلن کروناویروسی تاپیلگنی دن بویان تورت بار بو تومن مرکزیگه دوا سیپکن. بو اولسوال لیک یشوچیلری بو تومن گه نسبتاٌ جوزجان محلی حکومتی دقت سیزلیگی دن تنقیدلب دیدیلر آقچه تومنی جوزجان محلی حکومتی نی « اوگی ایناغه » سی دیر.

آقچه تومنی ۵۰ یاتاقلی شفاخانه سی مسولی داکتر نجیب الله فرهنگ نشانه خبر آژآنسی بیلن صحبت ده دیدی:« آقچه کوپ جمعیت لی تومن ایکنی اوچون مملکت نینگ اینگ ضررکوروچی اولسوال لیگی حسابلندی، اما بو تومن ساغلیک نی سقلش ملازملری اهالی یاردمی بیلن کرونا ویروسی تاپیلگنی دن بویان اولسوال لیگ سطحیده مردم گه معلومات بیریش و وقایوی ایش لرنی عملی قیلگن.» فرهنگ جنابلری علاوه ایتی جوزجان ولایتی نینگ ۷ اولسوال لیگی بیمارلری آقچه تومنی نینگ کسلخانه سیگه مراجعه ایته دیلراما محلی حکومت نی بو شفاخانه گه نسبتاٌ دقت اعتباری آز دیر.

 فرهنگ جنابلری بو تومن ده کیرک لی بولگن یاردم لر یتیب کیلمگنی دن تنقیدلب دیدی حاضرگه قدر کیرک لی بولگن یاردم لرجوزجان محلی حکومتی تمانیدن بو اولسوال لیک گه یوباریلمگن.او اما طبی اشیالر و ساغلیک نی سقلش ماده لر تیزراق بو۵۰ یاتاقلی شفاخانه اختیاریلگه قویلیشی نی امیدقیله دی.

  آقچه تومن حاکمی غلام سخی سبحان هم مرکزی ومحلی حکومت نینگ بو تومن گه نسبتاٌ اعتبارسیزلیگی دن تنقیدلب دیدی جوزجان محلی حکومتی گه به تکرار تکلیف نامه لر جونتدیک اما حاضرگه قدر هیچقندای یاردم جوزجان محلی حکومتی تمانیدن آقچه تومنی اوچون نظرده آلینمگن. آقچه تومن حاکمی علاوه ایتی کرونا ویروسی گه قرشی کورش کمیته سی فقط بیر نقلیه واسطه نی ایککی کون آلدین آقچه تومنی گه جونتکن. سبحان جنابلری،جوزجان ولایتی عامه ساغلیک اداره سی معلوماتی گه اساساٌ آقچه تومنی ده حاضرگه قدر کرونا ویروسی نی یوقتیرگن ۱۰ مثبت واقعه رویخط ده آلینگن و۲۳ شبهه لی واقعه هم بار و ساغلیک نی سقلش امکانیت لر بولمگنی سبب اوی لریده قرنطینه بولگن دیدی.

 عینی حالده آقچه تومنی ایریم یشوچیلری آقچه تومنی گه نسبتاٌ محلی حکومت اعتبارسیزلیگی دن تنقیدلیدیلر. اقچه تومنی یشوچی سی و مدنی فعال نقیب الله عبید دیدی جوزجان محلی حکومتی ، آقچه نی باشقه بیش اولسوال لیگی بیلن « اوگی ایناغه» کوزیده باقه دی و کرونا ویروسی مملکت ده ییریلگنی دن سونگ هیجقندای آذوقه یا ساغلیک نی سقلش یاردم لری بو تومن اهالی سیگه کورستیلمگن .

اما جوزجان محلی رسمی لری آقچه تومنی گه نسبتا بو اعتبارسیزلیک سببی نی ناتینچ لیک اتب یقین کیله جکده بو تومن گه نسبتا ٌ یاردم لر کوپیشی دن ایشانچ بیلدیره دیلر. جوزجان ولایت اورین باسری و کروناویروسی گه قرشی کورش کمیته باشلیغی عبدالقادرمالیه نشانه خبر آژانسی بیلن صحبت ده دیدی:« اوروش و ناتینچلیک اوچون بیرآز قیینتچلیک لربارو شو قیینتچلیک لر برطرف ایتیلیشی بیلن جوزجان عامه ساغلیک اداره سی کیرک بولگن ساغلیک نی سقلش خذمت لر و طی اشیالرنی اوتمیش دن کوره کوپ مقدار ده بو تومن گه یوباره دی.مالیه جنابلرینی ایتیشیچه جوزجان اولسوال لیک لریده طبی وساغلیک نی سقلش خذمت لر«SAF » ناملی بیراینجو تمانیدن تامین لندی و جوزجان ولایت حاکم لیگی تکلیف نامه و ایریم ملاحظه لری نی کرونا ویروسی گه قرشی کورش کمیته سیگه یوللگن و کیله سی ایککی کون دن سونگ ساغلیک نی سقلش و طبی اشیا و ماده لر اولسوال لیک لرگه جونتیله دی.

  جوزجان ولایتی محلی رسمی لری راپورلریگه اساساٌ اوتکن هفته ده بو ولایت ده کرونا ویروسی گه قرشی کورش اوچون مرکزی حکومت دن اجرتیلگن ۲۰ میلیون افغانی بودجه دن قریب ۱۷ میلیون افغانی سی صرفلنگن، اما آقچه تومنی ساغلیک نی سقلش رسمیلری و اکثریشوچی لری حاضرگه قدر بو تومن گه هیچقندای یاردم یوباریلمگنی نی تاکیدلشماقده لر.