ايران ده افغان وطنداشلري نقليه واسطه سي قضيه سي ايزلنيشي اوچون غني جنابلري تاكيدي
افغانستان جمهورريسي محمد اشرف غني ايران نينگ يزد شهريده اوت آلگن افغان لر نقليه واسطه سي قضيه سي جدي ايزلنيشي ني تاكيدلشكن.
جمهورريس سوزچيسي صديق صديقي نشر ايتكن تويتي ده ايتكن غني جنابلري بوكون ( دوشنبه ١٩ جوزا) كابينه يغينيده بو قضيه ايككي مملكت ديپلماتيك اداره لري تمانيدن ايزلنيشي كيرك ليگي ني تاكيد لشكن.
بوندن بيش كون آلدين (١٤ جوزا) افغان وطنداشلري نقليه واسطه سي ايران پوليسي تمانيدن نشان گه توتيليب اوت آلدي. تشقي ايشلر وزيرليگي گه كوره بو واقعه ده مملكت اهالي سي دن اوچ كيشي اوليب و بيرنيچه كيشي هم جراحت لنيب دركسيز يوقالگن.ايران مقاملري بو موتر نشان گه توتيلگني ني قبول قيلگن اما بو نقليه واسطه يول چكه سيده گي جدول بيلن قرشيلشكني سبب اوت آلگن ديگن.ايران مسوللري بو واقعه عامل لري بو مملكت عدلي و قضايي اداره لري ارقلي ايزلنيشي ني وعده قيلگن. بو واقعه مملكت ايچكري و تشقري سيده كينگ قمروه عكس تاپكن.