غني:دولتي كسلخانه لر، دولتي تصدي و شركت لرگه اوزگريشي لازم
neshananews
30 September 2020جمهوررييس محمد اشرف غني، مملكت ساغليك ني سقلش مركزلري جدي اصلاحات گه ضرورتي بارديب دولتي كسلخانه لر دولتي شركت و تصدي لرگه اوزگريشي لازم ديگن.
جمهور رييسليك سرايي اوتكن آقشام( سه شنبه ٨ ميزان) نشر ايتكن خبرنامه سيده غني جنابلري بو مطلب ني ولسي جرگه نينگ صحت، سپورت و ياشلر كميسيوني اعضالري بيلن اوچرشكنده بيان ايتكني ني يازگن.
خبرنامه گه كوره جمهور رييس بو اچرشوده تاكيدلشكن:” مملكت ساغليك ني سقلش تيزيمي اساسي اوزگريشلرگه ضرورتي بار و مملكت ده ساغليك ني سقلش برنامه لري قيته كوريب چيقليشي لازم.” غني جنابلري كسلخانه لر و ساغليك ني سقلش مركزلرده اساسي اصلاحاتلرگه ضرورتي بار ديب دولتي كسلخانه لر مملكت تشوچيلري ضرورت و احتياجليك لريني قانديره آلميدي و شوني اوچون دولتي شركت و تصديلرگه اوزگريشي لازم ديب تاكيدلشكن.
بو اظهارات لر اونداي بيرحالده ايتيلگن كه اوتكن كوني كابل ده مملكت ساغليك ني سقلش تيزيمي ملي سمپوزيمي باشندي. بو سمپوزيم ده مملكت ده ساغليك ني سقلش تيزيمي نينگ اون ييل ليك استراتيژي سي تيارلنيشي ريجه لنگن. اما اساسي قانون بويروغيگه مطابق دولت مملكت يشوچيلريگه ساغليك ني سقلش خذمتلرني تيكن يوللشي لازم ليگي ني تاكيدلشكن.
