جوزجان ولایتی مرکزی شبرغان شهریده اوتکن بیرهفته جریانیده ایککی کیشی ترور بولگنی دن آرتیدن، محلی حکومت رسمیلری بو ولایت ده موترلرنی قراشیشیه لردن تازه لش و شبرغان شهریده موترسایکل دن استفاده بولیشی نی منع ایتیش لایحه سینی قول اوستیگه آلگن لر.

جوزجان ولایت حاکمی سوزچیسی عبدالمعروف آذر بوکون ( شنبه ۲۱ سرطان) نشانه خبرآژانسی بیلن صحبت ده دیدی محلی حکومت شبرغان شهری یشوچی لری اعتراضی دن سونگ بو شهرده قرا شیشیه لی موترلر و موترسایکل باردی کیلدی سینی منع ایتیشی نامعلوم مدت گه چه قرار آلگن. آدر جنابلری، اوتکن بیرهفته جریانیده تانیلمگن قوراللی کیشی لر موترسایکل دن فایده لنیب ایککی کیشی نی شبرغان شهریده ترور قیلدی و بو واقعه لر آرتیدن محلی حکومت و امنیتی قوتلرمسوللری موترسایکل لربادری کیلدی سی منع ایتیلگنی گه قرار صادر ایتی لردیب ایتی.

آذرجنابلری محلی حکومت قراریگه مطابق، موترلرنینگ قراشیشه لری تازه لندی و امنیتی قوتلر شوکون دن باشلب بولایحه عملی قیله دیلر دیدی.

شبرغان شهری گارنیزیونی قوماندانی عبدالصمد، یغیب آلینگن موترسایکل لر ترافیک اداره سیگه تاپشیریلیشی نی ایتیب اما حاضرگه قدر قنچه موترسایکل یغیب الگنی حقیده معلومات بیرمه دی.

عینی حالده جوزجان ولایتی یشوچی لریدن بیر حضرت الدین امیری، قانون برچه اهالی اوستیده یکسان تطبیق ایتیلشی نی امیدقیلدی.امیری جنابلری ایریم زوروان کیشی لر نقلیه واسطه لری قراشیشه لری تازه لنمی دی دیب ایتی. اما جوزجان ولایت حاکمی سوزچیسی عبدالمعروف آذر امنیتی قوتلر خصوصا گارنیزیون مسوللری آدملرنینگ اجتماعی اورنیگه قرب قرا شیشیه لی موترلرنی تازه لیدیلردیب ایتی.

بوندن اوچ کون آلدین شبرغان شهری بیرقطار یشوچی لری جوزجان ولایتی ملت وکیلی ایناغه سی شبرغان ترور بولگنی آرتیدن بیرمدنی حرکت آرقلی جوزجان ولایت حاکمی ایشخانه سی برابریده ناراض لیک نمایش اوتکزدیلر.