افغانستان ملي خوفسيزليك كينگاشي دفتريني اعلان قيليشيچه، طالبان اوتكن بير آي جريانيده ١٤٥٦ هجوم ني يولگه قويب و بو هجوملري نتيجه سيده عادي اهاليدن ١٢٩ كيشي اولديريلگني و ٢١٩ كيشي ياره لنگني دن خبر بيرگن.

خوفسيزليك كينگاشي دفتري بوكون ( شنبه ٢٨ سرطان) بو رقملرني نشرايتيب طالبان گروهي  مملكتده زوروانليك لرني كميتيريش ده وعده بيرگني گه قره مي اوتكن آي جريانيده مملكت شهر و شاه يول لريده اينگ كوپ هجوملرني يولگه قويگن ديب ايتكن. خوفسيزليك كينگاشي معلوماتي گه كوره طالبان مملكت نينگ ٣٠ ولايتيده حربي حركتلريني تيزلشتيرگن اما اينگ كوپ تلفات سمنگان، قندهار و ننگرهار ولايتلريده يتكزيلگن.

خوفسيزليك كينگاشي، طالبان مملكت نينگ تورلي منطقه لريده پارتلش و خودكش هجوملرني بجريش دن علاوه، مقصدلي ترور و گناه سيز عايله لر قربان بولگن مقناطيسي ماينلردن ايشلتيش گه يوز كيلتيرگن ديب اعلان اينكن.

خوفسيزليك كينگاشي عادي اهاليگه قرشي زوروانليكلرني اوروش قانونلريگه ضد و بير تور اوروش جنايتي اتب ” طالبان هركوني افغانستان ده بونداي جنايتلرني بجرماقده” ديب ايتكن.