جوزجان ولايتي امنيتي مسولري شبرغان شهريده قوراللي اوغريلردن ببرگروه قولگه آلينگني دن خبربيرگن.

جوزجان ولايتي پوليس باشليغي عبدالواحد وجدان نشانه خبر آژانسي بيلن صحبتده ديدي:” امنيتي قوتلر بير مخصوص عمليات ده جوزجان مركزي شبرغان شهريده حبس ده آلدي.” وجدان جنابلري علاوه ايتي اوتكن بير آي جريانيده آلتي كيشي دن عبارت بولگن بير گروه شبرغان شهريده نيچه دوكان ني اوغيرلب قاچكن ديلر اما پوليس بو گروه اعضالريدن تورت كيشي ني توتقين ده آليش گه موفق بولگن.

جوزجان امنيه قومانداني بو شخص لر دستلب كي تحقيقاتلرده اوز جرملريني اعتراف ايتكن و يقين كيله جكده دوسيه لري قاره اوچي اداره گه جونتيله دي.

وجدان جنابلريگه كوره بو گروه نه فقط جوزجان ده بلكه فترياب، سرپل و بلخ ولايت لريده هم قوراللي اوغيرليك لرگه قول اورگن. بوندن قريب بير آي آلدين شبرغان شهريده قوراللي اوغريلر ولايت حاكم ليگي و پوليس باشلغي اويي يقينيده تورت اويني اوغيرلشكنديلر. بو قوراللي اوغيرليك لر كوپيگني جوزجان امنيتي مسوللريدن جدي تنقيدلرگه سبب بولگندي.