افغانستان تشقي ايشلر وزيرليگي، اسلام آباد بومملكت ني كابل ده گي سابق ايلچي سي محمد صادق ني افغانستان صلح پروسه سي اوچون مخصوص نماينده سي اوله راق تعين لشكني ني تصديقلشكن. افغاتستان حكومتي پاكستان نينگ بو حركتي ني آلقيشلگن.

تشقي ايشلر وزيرليگي اوتكن كيچه ( دوشنبه ٢٩ جوزا) نشر ايتكن پياميده پاكستان ني افغانستان ده گي سابق ايلچي سي محمد صادق خان ني پاكستان باش وزيري نينگ افغانستان تينچليگي اوچون مخصوص نماينده سي اوله راق ينگي وظيفه سيني تبريكلب و اسلام ني بوحركتي ني ايككي مملكت ارا علاقه لر قوللب قوتلنيشي ده مبثي آديم ديب بهالشكن.

تشقي ايشلر وزيرليگي، محدصادق جنابلري نينگ اوتميش ده گي تجربه لري و افغانستان دن ييترليچه معلوماتي بارليگي گه قرگنده، بو حركت ايككي مملكت ارا علاقه و همكارليك لر قوللب قوتلنيشي و افغانستان ده تينچليك و برقرار تامين لنيشيده مثبي و فايده لي حركت ديه تعريف لشكن.

پاكستان حكومتي مقاملري نيچه كون آلدين محمد صادق جنابلريني بو منصب ده تعين بولگني دن خبر بيرگندي. افغانستان دولتي و طالبان ارا توغري دن توغري مذاكره لر نيچه كون دن سونگ باشلنماقچي.