پاكستان نينگ كابل ده گي ايلچيليگي افغانستان اهالي سي اوچون ويزا صادر ايتيليشي ده شاشلينچ قولي ليك لر يرتيلگني دن خبر بيرگن.

پاكستان ني كابل ده گي ايلچي خانه سي نشر ايتكن خبرنامه سيده ينگي بير پاليسي اساسيده پاكستان گه تورلي مقصدلر اوچون سفر قيله ياتكان افغانلر اوچون اوزاق مدتلي ويزا صادر ايتيلشي نظرگه آلينگني ني اعلان ايتكن.

خبرنامه ده پاكستان نينگ كابل، ننگرهار، مزارشريف، قندهار و هرات ده گي كنسولخانه لري بو پاليسي گه مطابق افغانستان يشوچيلري اوچون شاشلينج قولي ليك لرني قول اوستيده آلگن ديب خبر بيرگن.

پاكستان ايلچي ليگي خبرنامه سيده تاكيدلنيشيچه بو مملكت ويزا سي سوداگرلردن باشقه برچه افغانلرگه تيكين صادر ايتيله دي.پاكستان ايلچي ليگي بو مملكت ويزاسيني ايسته ياتكان لردن، انتظام و ترتيب سقلنيشي اوچون پاكستان نينگ كابل ده گي ايلچي خانه سي اطرافيده توپلنيش دن وازكيچيشلريني طلب ايتكن.

پاكستان ويزاسي صادر ايتليشي ده بو ايلچي خانه تمانيدن قول اوستيده آلينگن بو شاشلينچ قوليليك، هركوني بو مملكت ويزاسيني اليشگه مراجعه قيله ياتكان افغان لر تمانيدن طلب ايتيلگندي.

پاكستان جاري شمسي ييل اوليدن افغانلرگه ويزا صادر ايتيليشي ني سيكين لشتيرگندي.

مملكت اكثر يشوچيلري عموما@دوالنيشي و پاكستان ده استقامت قيله ياتگان قرينداشلريني كوريش اوچون بو مملكت گه سفر فيله ديلر. پاكستان ملي مجليسي عبدالله جنابلري سفريدن سونگ افغان لرگه ويزا صادر ايتيليشي آقيمي اوتكن هفته دن قيته باشلنگني ني اعلان ايتكندي. اما پاكستان ايلچي خانه سي ويزا صادر ايتيليشي قچان دن باشلنيشي ني اعلان ايتمگن. اوتكن كوني پاكستان ويزاسيني آليشگه مراجعه ايتكن اونلب كيشي ويزا آله آلمسليك اوچون ناراضليك نمايش اوتكزگنديلر.