امريكا تشقي ايشلر وزيري انتوني بيلينكن پاكستان تشقي ايشلر وزيري شاه محمود قريشي بيلن افغانستان صلح پروسه سيده حقيده تلفن آرقلي صحبتلشديلر.
بلينكن جنابلري بوكون ايرته لب(دوشنبه ٢٧ ثور) تويترصحيفه سيده تلفن آرقلي بو صحبت اوتكن كوني توشدن بوليب اوتكني ني يازگن.
افغانستان تينچليك آقيمي موفقيتي اوچون امريكا و پاكستان همكارليك لري ايككي تمان ارا بوليب اوتكن صحبت نينگ بير قسمي بولگن.
امريكا و پاكستان تشقي ايشلر وزيرلريني تاكيدلشيشيچه افغانستان ده اوزاق مدت دن بيري دوام ايتيب باره ياتكان اوروش و منازعه ني يگانه حل يولي سياسي كيليشو بولگن.
اولرگه كوره افغانستان دولتي و طالبان گروهي دن علاوه بو مملكت ده گي برچه گروه لر مملكت منازعه سي سياسي يول آرقلي حل ايتيليشي ده مسوول ديرلر و بو توغريده حركت قيليش لري لازم.
اوتكن كوني هم چين تشقي ايشلر وزيري پاكستان تشقي ايشلر وزيري بيلن تلفن آرقلي صحبت ده افغانستان اوروشي سياسي كيليشو آرقلي حل ايتيليشي ده تاكيدلشكنديلر.