تجارت و صناعت وزيرليگي ني اعلان قيليشيچه افغانستان ني چيت گه صادرات ميزاني هوايي دهليز لر آرقلي جاري ميلادي ييل نينگ اوتكن ٧ آيي ده اوتكن ييل گه قرگنده ٢٩ فايز كوپيگن.

بو وزيرليك بوكون ( دوشنبه ٢٠ اسد) نشرايتكن خبرنامه سيده اوتكن ييل گه قرگنده حاضر صادرات مبلغي هم ١٧ فايز كوپيگني دن خبر بيرگن. خبرنامه گه كوره كروناويروسي ييرليشي دن سونگ، حاضر هندوستان و عرب اميرليگي بيلن صادرات وضعيتي عادي حالت گه قيتكن و بو علاقه باشقه مملكت لر بيلن هم عادي لشيشي كوتيلماقده.

تجارت و صناعت وزيرليگي خبرنامه سيده مملكت نينگ صادرات موسومي هرمالي ييل نينگ ايككينچي يريمي دن سونگ باشلنه دي و ييل نينگ آخركي آي لريده اوز اوجي گه يته دي.

بو وزيرليك گه كوره افغانستان نينگ تجارتي علاقه لري تورلي مملكت لر بيلن حمل و ثور آي لري جريانيده كروناويروسي ييرليشي سبب كوزگه كورنرلي درجه ده پس گه توشدي.