بلخ ولایتیده ملی اردو مسووللریگه کوره شاهین قول اردوسی ساغلیک نی سقلش گروهی بو ولایت ده اورش سبب آواره بولیب دهدادی تومنیده باش پناه آلگن ۴۵۰ بیمارنی دوالشدی.

شاهین قول اردوسی سوزچیسی محمد حنیف رضایی بوکون ( چهارشنبه ایککینچی میزان) نشانه خبر آژانسی بیلن صحبت ده دیدی ملی اردونینگ ایرکک و عیال متخصص شفاکارلریدن بیرگروه ایچکی اوروش لر سبب آواره بولگن عایله لر یشه یاتکان محللرگه باریب کسل و بیمار بولگن آواره لرنی معاینه قلیب دوالش گه حرکت قیلدیلر. رضایی جنابلریگه کوره معیاینه بولیب دارو درمان بولگن بو اواره لر باله لر، عیاللر و کیکسه لردن عبارت بولگن.

شاهین قول اردوسی سوزچیس گه کوره اوروش آواره لریگه بولگن ساغلیک نی سقلش خذمت و یاردم لر کیله سی کونلرده هم دوام ایته دی. رضایی جنابلری مملکت شمالی حدودلریده هر ییلی قیش جاری و موسوملریده ملی اردو قوت لری ایچکی آواره لرگه ییم لیک و باشقه کیرکلی اشیا لرنی یادرم بیره دی.دیب ایتی.

بلخ ولایتی تورلی منطقه لریده یشیه یاتکان بو ایچکی آواره لر عموما فاریاب ولایتی ده شدتلی اوروش لر عاقبتیده اوازه بولگن لر.