ملي خوفسيزليك كينگاشي دفتري طالبان محبسلريدن كوماندو عسكرلري قويب يوباريليشي ني طلب ايتكن. بوكينگاشي ني ايتيشيچه طالبان نينگ ٣٢٠ محبوسي قويب بوباريليشي دن آلدين كوماندو عسكرلري آزاد ايتيليشي شرط و طالبان حكومت محبوسلريني ازاد ايتسين.

ملي امنيت كينگاشي سوزچيسي جاويد فيصل بوكون( شنبه ٨ سنبله) توييترصحيفه سيده يازگن، طالبان محبوسلريني قويب يوباريش ده دولت لايحه و ريجه لريده هيچقنداي اوزگريش كيلمگن. اما فيصل جنابلري تاكيدلشكن” دولت، طالبان نينگ قالگن ٣٢٠ محبوسي ني قويب يوباريش دن آلدين بوگروه نزيده بولكن كوماندو عسكرلريني قويب باوريشي شرط.”  فيصل جنابلريگه كوره حاضر طالبان مسوليتي ديركه بو حركت گه قول اوريب صلح تامين لنيشي اوچون سعي قيليشي لازم.

ملي خوفسيزليك كينگاشي دفتري اونداي بير حالده طالبان گروهي ني قالگن ٣٢٠ محبوسي قويب يوباريليشي ني كوماندو عسكرلري آزاد ايتيليشي گه باغليق بيلگن كه ايككي كون آلدين افغانستان تشقي ايشلر وزيرليگي سرپرستي محمد حنيف اتمر طالبان گروهي محبوسلريني قويب يوباريشي پروسه سي جاري هفته آخريگه چه يكولندي.

طالبان محبوسلري قويب يوبلريليشي دن سونگ افغانلر ارا مذاكره لر ايلك باسقيچي باشلنماقچي. باشقه تماندن ملي مصالحه عالي كينگاشي زيسي عبدالله عبدالله هم اوتكن هفته اخريده افغانلر ارا مذاكره لر جاري هفته ده باشلنيشي دن خبر بيرگندي.