بلخ‌حاکمی: حیرتان تجارت بندرینی هېچ قنده‌ی خوف، تهدید قیلمیدی
neshananews
30 June 2021بلخ ولایتی‌نینگ کَلدار و شورتپه تومنلریده‌گی اوروش شدّت آلگنی‌دن سونگ، بلخ حاکمی حیرتان تجارت بندری هېچ قنده‌ی خوف تهدیدی بیلن یوزمه‌یوز ایمس دیب اَیتماقده.
بلخ حاکمی محمد فرهاد عظیمي کېچه (۸-سرطان، سه‌شنبه) بلخ‌ده بۉلیب اۉتگن مطبوعات انجمنیده ولایت نینگ کَلدار و شۉرتپه تومنلریده‌گی یۉللرده خوفسیزلیک پوسته‌لری ایجاد ایتیلگنی ایتکن.
جناب عظیمی اوشبو خوفسیزلیک پوسته‌لر، طالبان نینگ حیرتان بندریگه باریشیگه تۉسقینلیک قیلماقده، دېب قۉشیمچه قیلدی.
بلخ حاکمی حیرتان تجارت شهرچه‌سیده‌گی اداری وتجارتی ایشلر عادتده‌گیدېک دوام اېته‌یاتگنینی و اوشبو سودا بندری هرقنده‌ی خوفسیزلیککه تهدیدلردن امان گه دیب تأکیدلشکن.
مملکت نینگ شمالي ولایتلریده اوروش نینگ ترقه‌لیشی، اینیقسه حیرتان بندری نینگ قۉشنی تومنلریده خوفسیزلیک کوچلری و طالبان جنگچیلری اۉرته‌سیده دوام اېته‌یاتگن قوراللی تۉقنه‌شوولر سوداگرلرنی خواطرگه سالماقده. باشقه تماندن، بلخ‌ده‌گی خوفسیزلیک خادملری بلخ تومنلرینی طالباندن تازه‌لش بۉییچه قۉشمه حربي عملیات‌لر باشلنگنینی اعلان قیلیشدی.
بلخ‌ده‌گی حیرتان شهرچه‌سی افغانستان و اۉزبېکستان اۉرته‌سیده‌گی اېنگ مهم تجارت بندری حسابلنه‌دی.
