بلخ ولايتي صرافلر اويشمه سي ريسي اوغيرلندي
neshananews
22 September 2020بلخ ولايتي امنيتي مسووللريگه كوره بلخ ولايتي ” كفايت ماركيتي ” صرافلر اويشمه سي ريسي حاجي عبدالقيوم تا نيلمگن قوراللي لر تمانيدن اوغيرلنگن.
بلخ ولايتي پوليسي سوزچيسي عادل شاه عادل بو خبرني تصديقلب ديدي بلخ ولايتي صرافلر اويشمه سي ريسي بوكون بامداد( سه شنبه بيرينچي ميزان) مزارشريف شهري اوچنينچي ناحيه سيدن اوغيرلنگن. عادل جنابلريگه كوره حاجي عبدالقيوم مسجد تمان باره ياتكان پيت ده اويي يقينيدن اوغيرلنگن.
بلخ پوليسي سوزچيسي، امنيتي قوتلر شبهه لي محله لرني اوز نظارتي آستيده كيريتكن و جنايي جرملرگه قرشي كورش گروه لري حاجي عبدالقيوم ني تاپيش اوچون تيكشيرولريني باشله گن ديب ايتي. محل يشوچيلريني ايتيشيچه پوليس حادثه محلي ده گي اويلر امنيتي كامره لر و شبهه لي اويلرني تيكشيرماقده.
اوتكن هفته مزارشريف يشوچيلري بو شهرده جنايي جرملر كوپيگني سبب ناراضليك نمايش اوتكزگنديلر. بو اعتراضلر ايچكي ايشلر وزيري اياغيني مزارشريف گه تارتي. ايچكي ايشلر وزيري سرپرستي مسعود اندرابي بلخ ولايتي نينگ سكيز پوليس ملازملرني وظيفوي غفلت عيبلوي بيلن وظيفه لريدن چيتلشتيرگندي.
