حوزجان ولایتی ده بیرشفاکار کرونا ویروسی سبب عالم دن اوتکنی دن سونگ، شبرغان شهریده بیرقطار خصوصی کلنیک و ساغلیک نی سقلش مرکزلر وقتینچه لیک تعطیل بولگن. بو کلنیک لر تعطیل بولگنی سبب شبرغان شهری و جوزجان اولسوال لیک لری و قوشنی ولایت لردن مراجعه ایتوچی اکثربیمارلرسرگردان لیگی گه سبب بولگن.

 جوزجان ولایتی عامه ساغلیک اداره سی مسوللریگه کوره شبرغان شهریده فعالیت قیله یاتکان سکیز خصوصی کلنیک دن اوچ کلینک نینگ ملازم لری کرونا ویروسی گه چیلینگن لیک گه شبهه لی ایکنی اوچون ایشلرینی تعطیل قیلگن. جوزجان ولایتی عامه ساغلیک اداره سی باشلیغی فرید عزیزی، نشانه خبرآژانسی بیلن صحبت ده دیدی:« بو ساغلیک نی سقلش مرکزلری جوزجان عامه ساغلیک اداره سی نظارتی آستیده دیرو ۱۴ کون دن سونگ قیته اوز فعالیت لرینی باشلش لری ممکن.»

  بو کلینک لراوپیت ده تعطیل بولدیلرکه بولرنینگ ایریم شفاکارلری کرونا ویروسی طفیلی عالم دن اوتکن شفاکار بیلن توغریدن توغری تماس ده ایدیلر. عالم دن اوتکن جراح شفاکار پویا عزیزی ایدی.او اوتکن هفته کرونا ویروسی نی یوقتیرگن دن سونگ وفات ایتی. جوزجان عامه ساغلیک اداره سی مسوللری بو اوچ کلینک یاپیلگنی گه قرار آلینگن دن علاوه بو مرکزلر برچه شفاکار و ملازملریگه اوی قرنطینه سی نی توصیه قیلگن لر.بونگه قوشیمچه جوزجان ولایتی مرکزی کسل خانه سی نینگ بیرقطار ملازم و خادم لری هم داکتر پویا عزیزی بیلن تماس ده ایکن لیک لری سبب قرنطینه بولگن.

عینی حالده جوزجان ولایتی نینگ اندخوی اولسوال لیگی دن شبرغان شهریگه کیلگن بیمارلر، بو کلینیک لر یاپیلگنی دن بیرخبرایکن لیک لرینی ایتیب ساغلیک نی سقلش مسوللری بو توغریده مردم سرگردان لیگی آلدی نی آلیش اوچون خبربیریش لری لازملیگی اورغولشکنلر.

 شبرغان شهری یشوچی لری ایسه جوزجان عامه ساغلیک اداره سی مسوللری بو حرکتی تی آلقیشلگنلر. جوزجان مدنی فعاللریدن بیری قمرالدین عزیزی دیدی:« ملازم لری کرونا ویروسی نی یوقتیریش گه شبهه لی بولگن کلینک لرنی تعطیل بولگنی ضرورایدی و کسل دار عایله لر بو موضوع نی انگلش لری کیرک.» شونینگ دیک شبرغان یشوچی سی بولگن زهرا حکیمی هم جوزجان ولایتی محلی رسمیلری بو قرارینی القیشلب اما جوزجان عامه ساغلیک اداره سی  مردم سرگردان بولیشی آأدینی آلیش اوچون بو باره ده معلومات یتکزیشی لازم لیگی نی تاکیدلشدی.

 معلومات لرگه کوره حاضرچه جوزجان ولایتی کووید۱۹ مرکزیده کرونا ویروسی نی یوقتیرگن فقط بیر بیمار سخلنماقده و ۹ شبهه لی بیمارهم نتیجه لراعلان بولیشی کوتماقده لر. شبرغان شهریده اوتکن هفته بیرشفاکار کرونا ویروسی طفیلی اوزجانی نی قولدن بیرگندی.