امریکانی افغانستان تینچلیگی بویچه مخصوص نماینده سی زلمی خلیل‌زاد کابل عالی اوقویورتیده قوراللی هجوم نی « ایتیب بولمه یاتکان بربریت» بهالشیب و افغانستان ده اوروش نی یکونلتیریش اوچون ایچیم یول وآتش کیسیم برقرارلیگی، بوندای اچنرلی هجوم لرگه اینگ مناسب جواب دیب ایتکن.

خلیل‌زادجنابلری بوکون( سه شنبه ۱۳ عقرب) توییتر صحیفه سیده کابل عالی اوقویورتیده بولگن هجوم نی قتیغ قاره لشکن. خلیل‌زادجنابلریگه کوره بو هجومنی بجرگن داعش گروهی افغانستان ده قانلی هجوملرینی دوام ایتیریش نی ایستیدی.

امریکانی افغانستان بویچه مخصوص نماینده سی افغانستان ده اوروش و ناقرارلیک لرنی یکونلنتیریش اوچون سعی و حرکت لرنی تیزلشتیریش بوندای تروریستی هجوملرگه قرشی اینگ مناسب جواب دیر.او طالبان گروهی نی آتش کیسیم اعلان ایتشی نی طلب ایتکن.

 بوندن بیرکون آلدین قوراللی هجومچی لر کابل عالی اوقویرتیده هجوم اویشتیردیلر. بو هجوم ده اینگ آز ۲۲ کیشی قربان بولیب و ۲۴ کیشی هم یاره لندی. بو واقعه اکثر قربان لری عالی اوقویورت طلبه لری بولگن.

داعش گروهی بو هجوم مسولیتی اوز ضممه سیگه آلدی. اما جمهوررییس بیرینچی اورین باسری بو هجوم طالبان جنگچی لری تمانیدن ریجه لشتیریلشیب بجریلگنی دن حجتم باردیب اعلان ایتکن.