خلیلزاد تاجیکستان جمهورریسی بیلن افغانستان تینچلیگی بویچه سوزلشدی
امریکا نی افغانستان تینچلیگی بویچه مخصوص نماینده سی زلمی خلیلزاد تاجیکستان جمهورریسی امام علی رحمان بیلن افغانستان تینچلیگی پروسه سی بویچه صحبت لشکن.
امریکانی تاجیکستان دهگی ایلچی لیگی بو اوچرشو اوتکن کونی (سه شنبه ۱۴ ثور) تاجیکستان پایتختی دوشنبه شهریده بولیب اوتکنی نی اعلان ایتیب ایککی تمان بو اچرشوده افغانستان تینچلیگ پروسه سی ده منطقه ای بیردملیک نی قوللب قوتلش اوچون فکر المشتیرگنی نی ناکیدلشکن.
امریکا ایلچی لیگی خبریگه کوره تاجیکستان جمهورریسی بو اوچرشوده، افغانستان معمالری حل ایتیلیشی اوچون تاجیکستان تمانی برچه امکانیت لریدن فایده لنیش دن سوز بیرگنی نی خبرقیلگن.
عینی حالده خلیلزادجنابلری هم تاجیکستان نی افغانستان تینچلیگی پروسه سی و منطقه ای بیردملیک ومنطقه نی اقتصادی ترقیاتی بویچه رولی یوکسک بهالب افغانستان ده دایمی تینچلیک تامین لنیشی اوچون تاجیکستان دن برچه امکانیت لریدن فایده لنیش نی طلب ایتکن.
خلیلزاد جنابلری ایککی کون آلدین دوحه ده روسی، چین و پاکستان لیک همکسب لری بیلن اوچرشیب ملاقات قیلگندن سونگ کابل گه کیلدی و افغانستان دولتی رهبرلری و بیر قطار سیاسی سیمالر بیلن اوچشیب ملاقات قیلدی. او بو سفر جریانیده اعلان ایتی که امریکا حکومتی، افغانستان ده قدرت حربی یول آرقلی انتقال تاپیشی گه بوتکل قرشی دیر.