خلیلزاد: دوحه مذاکره لری تمانلری قیینت موضوع لر بویچه کیلیشه آله دیلر
امریکانی افغانستان تینچلیگی بویچه مخصوص نماینده سی زلمی خلیلزاد، افغانستان دولتی و طالبان گروهی مذاکره قیلوچی هیاتلری ارا بو مذاکره لر ایش دستوری بویچه حاصل بولگن کیلیشو، ایککی تمان قیینت و مهم موضوع لر بویچه هم کیلیشه آلیش لریدن دلالت بیره دی دیب فکر بیلدیرگن.
خلیلزاد جنابلری افغانستان تینچلیک مذاکره لری ایش دستوری تصدیق لنگنی نی آلقیش لگن. او اوتکن شام ( چهارشنبه ۱۲ قوس) توییتر صحیفه سیده یازگن ایککی تمان اوچ صحیفه دن عبارت بولگن ایش دستوری بویچه کیلشدیلر و بو کیلیشو مملکت ده آتش کیسیم گه ایرشیش اوچون بیر سیاسی ایچیم یول نی انیق لنتیره آله دی.
خلیلزاد جنابلریگه کوره بو کیلیشو کورستی که ایککی تمان تینچلیک مذاکره لرنی آلغه سوریش ده کوچلی عزم و اراده لری بار و قیینت و مهم موضوع لر بویچه کیلیشه آلیش لریدن دلالت بیره دی. امریکانی افغانستان بویچه مخصوص نماینده سی شونینگ دیک بو باسقیچ ده افغانستان و امریکا خلق لری، ایککی تماندن افغانستان ده دایمی آتش کیسیم برقرارقلیشی اوچون بیر سیاسی ایچیم یول بویچه کیلیشیش لرینی کوتماقده لر دیگن.
افغانستان دولتی و طالبان گروهی نینگ مذاکره قیلوچی هیاتلری اوچ آی لیک بحث و مذاکره دن سونگ تینچلیک مذاکره لر ایش دستوری بویچه کیلیشیب و یکونی قرارنی صادر ایتی لر. بو ایش دستوری ۲۱ ماده دن عبارت دیر و ایککی تمان ارا صلح مذاکره لرنی اساس و پای دیواری حسابلندی. معلوماتلرگه کوره بو ایش دستوری کیلیشوی قطر، امریکا و پاکستان دولت لری واسطه چیلیگی بیلن حاصل بولگن.