شاهين قول اردو سي معاوني جنرال عباس توكلي فارياب ولايتي نينگ قرغان تومنيده ” شاهين ١١٧” ناملنگن حربي عمليات جريانيده اياغي دن ياره لندي.

شاهين قول اردوسي سوزچيسي محمدحنيف رضايي بو خبرني تصديق لب ديدي توكلي جنابلري اوتكن آقشام( سه شنبه ٤ اسد) قرغان تومنيده طالبان جنگچي لري بيلن توقنشو پيتيده ياره لندي. رضايي جنالريگه كوره اوق توكلي جنابلريني چپ اياغيگه تيشكن. رضايي جنابلري جنرال توكلي ني ساغليك وضعيتي حاضر قانعقرلي ايكني دن ايشانچ بيلديريب حاضرچه شاهين قول اردوسي شفاخانه سيده انتقال بيريلگن ديدي.

سونگي ييللرده بو شاهين قول اردو سي نينگ بير يوقاري ملازمي دير كه اوروش جريانيده يارلنگن. فارياب – بلخ شاه يوليده تازه لش عملياتي بير هفته آلدين امنيتي و مدافعوي قوتلر عالي رتبه لي مسووللري اشتراكي بيلن باشلنيب حاضر هم  دوام ايتماقده.