جوزجان ولایتی محلی رسمی لری، بو ولایت نی «کووید ۱۹ »گه قرشی کورش کمیته سی ینگی قراریگه اساساٌ شبرغان شهری کیله سی هیت نینگ اوچ کونیده قرنطینه بولیشی دن خبربیرگن. رسمیلر بو قرار کرونا ویروسی یرلیشی آلدینی نی آلیش اوچون صادر ایتیلگن دیب ایتکن لر.

جوزجان ولایت حاکمی اورین باسری عبدالقادر مالیه بوکون( چهارشنبه۳۱) نشانه خبرآژانسی بیلن صحبت ده دیدی:« کرونا ویروسی گه قرشی کورش کمیته سی قراریگه مطابق هیت ننیگ اوچ کونیده شبرغان شهریده قرنطینه جاری ایتیلماقچی و یالغیز ییملیک اشیا وسبزوات ساتوچی دوکان لر آچیق بوله دی.» مالیه جنابلری علاوه ایتی کرونا گه قرشی کورش کمیته سی جوزجان ولایتیده کرونا ویروسی نی یوقتیرگن لرسانی کوپیب باریشی سبب وضعیت هروقت دن کوره کوپراق تشویشلنرلی دیر و برچه مسجد ملاامام وخطیب لریگه هم هیت نمازیده اجتماعی مسافه رعایه ایتیلشی نی نظرده آلیش لرتاکیدلنگن.

جوزجان ولایتی کرونا ویروسی گه قرشی کورش کمیته سینی باشلیغی مالیه جنابلری، هیت کونلریده پولیس همکارلیگی بیلن هرقندای یغین و گوجوملیک آلدی آلینیشی ده قرار آلینگنی نی اورته قویب شهریشوچی لری هیت کونلریده ساغلیک نی سقلش و اجتماعی مسافه رعایه ایتیلشی گه دایر توصیه لرینی عملی قلیش لری و کرونا ویروسی گه قرشی کورش کمیته سی قرارلریگه حرمت قویش لری شرط دیر دیدی. مالیه جنابلری شونینگ دیک شبرغان یشوچی لری هیت نی عایله اعضالری بیلن اویلریده نشانلب و قوم وقرینداش لری اویلریگه هییللش وباردی کیلدی دن وازکیچیش لری یخشی دیردیدی.

جوزجان ولایتی نینگ کرونا ویروسی گه قرشی کورش کمیته سی قراریگه اساساٌ ایرته دن ( پنجشنبه ۱ جوزا) باشلب شبرغان شهری ده قرنطینه جاری ایتیلشی دن اهالی گه معلومات بیریش ایشی باشلنشی نی هم تاکیدلشدی. جوزجان ولایت حاکمی اورین باسری، کرونا ویروسی گه قرشی کورش کمیته قرارلریگه اعتنا قیلمگن کیشی لر بیلن قانونی مناسبت کورستیلشی دن هم آگاهلنتیردی.

اما شبرغان شهری بیرقطار دوکانداری شبرغان شهری قرنطینه سی مثبی جواب بیرمسلیگی نی تاکیدلب اولرجوزجان محلی مسوللریدن هیت کونلریده دوکاندارلر فعالیتی آلدینی آلمس لیگی نی طلب ایتکن. شبرغان شهریده رستورانی بولگن طاهردلسوز دیدی:« رمضان آی دن آلدین هم شهرده‌گی برچه رستوران لر یاپیق ایدی و رمضان آیی ده هم فعالیت قیلمسدیک، یگانه امیدی میزمردم هیت کونلریده کلیب اوقات ییش لریگه  خلاصه بولردی.» دلسوز جنابلری علاوه ایتی :« اگر هیت کونلریده بیزگه ایشلش گه رخصت بیرمسه لر، دوکان کرایه سی و عایله میز روزغارینی قییردن تاپیلینگ.»

 جوزجان مرکزی شبرغان شهریده جاری هفته اولیدن قرنطینه برهم بیریلیب شهر عادی حالت گه قیتیب و برچه دوکان لرو مارکیت لر آچیق دیر. افغانستان عامه ساغلیک وزیرلیگی معلوماتیگه کوره جوزجان ولایتی ده ۱۱۶ کیشی کرونا ویروسی نی یوقتیرگن و \حاضرگه قدربوبیمارلردن ۵ کیشی سی اوزجانی قولدن بیرگن.